Galulolo
Galulolo
Fa'ailoilo ma lapata'iga mo galulolo
O le itu i le talafatai o Niu Sila e ono a'afia i ni galulolo. O galulolo e ono fa'aleagaina tele ai le talafatai, fa'aleagaina ai fanua ma fale, fa'amanu'a ma maliliu ai tagata.
O le galulolo o se fa'alavelave fa'anatura ma e tupu ina ua o fa'atasi uma se vaega o le sami, po'o se vai tafe ma fotufotu i se galu tele e tasi. O se galulolo e mafai ona tupu fo'i pe a pasi atu se va'a tele e alu i lalo o le sami po'o se mafui'e; se feminoia'iga o ni papa i lalo o le lau'ele'ele pe a uma se mafui'e po'o se mauga mu fo'i; se mauga ua solo i le talafatai po'o autafa o se vai; po'o se mauga mu i lalo o le sami pe lata ane fo'i i le sami.
O ituaiga galulolo e tolu
E tolu ituaiga galulolo e lauiloa. O le ituaiga e te va'ai ma o'o i ai e fuafua lava i le mamao o le mea na amata mai ai ma le mea o lo'o e i ai.
- O galulolo mamao e fa'afua mamao mai lava, e pei o le sau mai le atu Pasefika i le atunu'u o Chile. I le ituaiga galulolo lenei, e sili atu ma le tolu itula e mafai ai ona tu'uina atu se lapata'iga mo Niu Sila.
- O galulolo e i totonu lava o le oga'ele'ele e fa'afua i le tasi i le tolu le mamao o le alu mai le vaega na amata mai ai. O se mauga mu mai lalo o le sami i le vaega o le Kermadec Trench i le itu matu o Niu Sila, e ono amatalia ai se galulolo i le vaega o le lalolagi o lo'o i ai Niu Sila.
- O galulolo e tutupu lava i talafatai o Niu Sila e mata'utia tele ona e ono leai se taimi mo ni lapata'iga.
FA'AILOILO MA LAPATA'IGA MO GALULOLO
O ni lapata'iga ma ni fa'ailoilo mo ni galulolo e ono maua mai i ala ese'ese – pe a tupu lava le galulolo ia, mai le ofisa o lo'o feagai ma ia tulaga ia pe le mai le ofisa fo'i.
Fa'aliga fa'alenatura
Mo se galulolo e tupu lava ma e ono tupu i ni nai minute, e leai se taimi e avatu ai se lapata'iga fa'apitoa mai le ofisa tutotonu. E taua tele le iloa o ni lapata'iga fa'anatura ma faia loa ni gaoioiga e tatau ona fai fa'atopetope.
Va'ai i le itu taumatau mo nisi fa'amatalaga
Lapata'iga mai se ofisa tutotonu
O lapata'iga mai ofisa tutotonu e fa'ato'a mafai ona tu'uina mai mo ni galulolo e mamao le nofoaga o lo'o sau mai ai. O ni lapata'iga fa'asalalau o le a tu'uina atu e le Matata o Puipuiga ma Fesoasoani i taimi o Fa'alavelave fa'afuase'i e ala atu lea i ofisa fa'asalalau ese'ese, pulega fa'aitumalo ma isi pulega fa'apitoa. O le ofisa tutotonu fa'aitumalo o lou nofoaga o le a latou fa'asalalaua ni lapata'iga e ala lea i ala fa'asalalau ese'ese, fa'apea ni fa'ailoilo ma isi vaega ua uma ona fuafuaina.
Lapata'iga e le fa'asalalaua po'o ni lapata'iga maua fua
E te ono maua ni fa'aaliga ma ni lapata'iga mai i uo, isi tagta lautele, ala fa'asalalau mai isi atunu'u fa'apea le upega o feso'ota'iga. Ia fa'amonia se lapata'iga ua e maua i se taimi vave. Afai e maua ni lapata'iga mai tagata ofisa i Niu Sila, ia e fa'amaonia nei lapata'iga na i lo ni lapata'iga na mua fua mai i isi tagata lautele.
A'O LE I TUPU SE GALULOLO
O le nofo sauna a o le i tupu se galulolo o le a fesoasoani lea i le fa'aitiitia o le afaina o lou fale ma lau pisinisi ma fesoasoani i lou ola saogalemu.
- Afai e te nofo i se vaega e latalata i le sami, fesili i le ofisa tutotonu a lou itumalo po'o a ni a'afiaga a le galulolo ma ni lapata'iga e tatau ona e iloa.
- Afai e i ai ni ou ma'i o le tino po'o le mafaufau pe e te ola fa'alagolago i ni masini ma nisi mea fa'apitoa, ia fa'ailoa atu i lau fa'alapotopotoga o tagta masani ma tagata fesoasoani ina ia latou fa'ailoa mai ia te oe ni lapata'iga o le a fa'asalalau atu.
- Ia faia ni fuafuaga ma ni tonu fa'ata'atia mo oe ma lou auaiga ma ia sauna sau ato e te alu fa'atopetope ma oe.
- Ia e iloa po'o fea tonu o i ai se mauga po'o se vaega maualuga o lata ane ma ia iloa pe fa'apefea ona e o'o atu i ai. Ia fuafua le alu i se mea maualuga lava pe soso fo'i i le ogatotonu ia mamao ese mai lava i le sami. Ia fuafua le ala e te sola ese fa'avave mai ai pe afai o e faigaluega pe o malolo fo'i i ni nofoaga lata i le sami.
A'O TUPU SE GALULOLO
- Ia e alu ma ave lau ato ua uma ona tapena mo lou alu ese atu fa'atopetope. Aua ne i e alu atu i se vaega o afatia e aumai lau ato ma ni au meatotino.
- Ave uma au meaola tausi ma oe pe a mafai ona faia ma le saogalemu.
- Ia fa'atopetope loa lava ona sosola atu i se mea maualuga, pe o i le ogatotonu o le lauele'ele mamao ese ma le sami. Afai o i ai ni tusita'iala mo le o ese fa'atopetope, ia fa'aaogaina nei tusi mo auala ua uma ona fa'asinoina mai.
- Savali pe alu i le uila vili vae pe a mafai.Ave le ta'avale pe tatau au. Afai e ave le ta'avale, ia alu tele ia te'a ese le nofoaga ua fa'asinoina mai ina ia fa'aavanoa se auala mo isi tagata o lo'o mulimuli mai ia te oe.
- O va'a uma e saogalemu pe afai o i luga o le sami po'o se vai e tusa ma 20 mita le loloto na i lo'o le tu'u i luga o le matafaga. Ia ave uma va'a i tai i le sami pe afai e saogalemu ma lava se taimi e fai ai.
- Aua lava ne i e alu i se matafaga e matamata i se galulolo. Ia o ese mai uma ma nofoaga e ono a'afia se'i vagana ua uma ona avatu se fa'atanaga fa'apitoa ua saogalemu se nofoaga.
- Fa'alogologo i lau leitio mo fa'asalalauga fa'apitoa o le a maua atu ai ma ni fautuaga e tatau ma fetaui ma lou nofoaga lautele ma tulaga o lo'o i ai.
PE A UMA SE GALULOLO
- Fa'alogologo atili pea i lau leitio i ni fautuaga ma le ofisa o fesoasoani ma puipuiga i fa'alavelave fa'afuase'i ma aua ne i toe fo'i atu i ni nofoaga ua uma ona fa'asaina pe na ave'eseina fa'atopetope mai ai ni tagata se'i vagana ai ua avatu se fa'atanaga ma ofisa maualuluga.
- Ia nofo mataala ona e ono sili atu ma le tasi se galulolo ma e le saogalemu mo se 24 itula pe sili atu fo'i. O se isi galu e mulimuli mai i galu muamua e masani ona tele atu.
- Siaki po'o e manu'a ma ia fa'aaoga ni fesoasoani muamua. Fesoasoani atu i nisi tagata o mafatia pe a mafai ona e faia.
- Aua ne i e alu e te matamata solo.
- Fa'aeteete lelei pe a toe ulufale atu i fale ma nofoaga, ona e ono fa'aleagaina fale i lolovai. Ia va'ai ma lipoti uma ni uaea, paipa ma nisi vaega ua fa'aleagaina.
- Afai ua fa'aleagaina lou fanua po'o lou fale, ia tusi uma i lalo ma pu'e ni ata mo le inisiua. Afai o lo'o e nofo i se fale totogi, ia fa'afeso'ota'i le pule o le fale ma le kamupani o lo'o inisiua ai au meatotino i se taimi vave lava.