Mea e mana'omia i taimi o fa'alavelave fa'afuase'i ma lau ato e te alu ma oe fa'atopetope

 

Mea e mana'omia i taimi o fa'alavelave fa'afuase'i

Lau ato e te alu ma oe fa'atopetope

Fesoasoani muamua

 

O le tele o fa'alavelave fa'afuase'ia e mafai lava ona e nofo i lou lava fale. Fuafua ina ia mafai ona e va'aia lava oe ma lou 'auaiga mo ni aso se tolu pe sili atu fo'i. Tu'u fa'atasi ma fai fa'alelei mea e mana'omia mo lou fale aemaise o se taimi e fa'afuase'ia ai ona e alu ese i se isi vaega. E tatau lava fo'i ona i ai ni mea e te mana'omia vave i taimi o se fa'alavelave fa'afuase'i i totonu o lau ta'avale po'o lou fale faigaluega.

MEA E MANA'OMIA I TAIMI O FA'ALAVELAVE FA'AFUASE'I

• Moli uila ma ni ma'a fa'aleoleo po'o se moli uila e mafai ona fafaga lona ma'a
• Leitio ma ma'a fa'aleoleo
• Ofu fa'atimu ma ofu tali savili, pulou, ma se'evae malolosi e fa'aoga i fafo
• Fesoasoani fa'afoma'i muamua ma ni vai ma ni fuala'au taua
• Ie 'afu Palanikeke po'o ni taga e moe ai i totonu feavea'i
• Mea e fa'aaoga e meaola tausi
• Pepa mo fale ese ma taga tu'u lapisi mo le fa'aaogaina i lou fale ese le tumau
• Ufiufi mo foliga mai le pefu

Ia ta'i tolu masina ma siaki uma ma'a. O moli uma e ola i ma'a e sili ona faigofie ma malupuipuia. Aua ne 'i fa'aaogaina moli ga'o ona e faigofie ona masa'asa'a pe a uma se lulu o se mafui'e ma lelea pe a malosi se matagi. Aua ne'i fa'aaogaina moli kalasini, ona e mana'omia le ta'alaelae o le mea e tatau ona ola ai ma e le fetaui mo le fa'aaogaina i totonu o fale.

 

Mea'ai ma vai inu mo ni aso se tolu pe sili atu

• Mea'ai e tuai ona pala ma leaga (mea'ai tu'u'apa po'o mea'ai fa'amamago)
• Mea'ai, apasusu ma vai inu mo pepe ma tamaiti laiti
• Vai inu. Pe tusa ma le tolu lita pe sili atu a le tagata e to'atasi i le aso
• Vai mo le fufuluina o mea ma vai mo le kukaina o mea'ai
• Se ogaumu po'o se papakiu e alu i le kesi e kuka ai i luga mea'ai
• Mea tala'apa

Ia ta'i sefululua masina ma siaki ma toe sui atu mea'ai ma vai. Va'ai pe le ono fa'asaoina ni vai ma mea'ai mo ni vaiaso se lua ina ne'i te'i ua umi ona tupu se fa'alavelave e pei o se fa'ama'i.

SE ATO UA SAUNIA E TE ALU MA OE

I nisi fa'alavelave e ono fa'atopetope ona ave'esea atu oe mai lou fale ma lou nofoaga masani. E tatau lava ona tofu le tagata ma se ato ua uma ona tapenaina ma saunia aua le fa'atopetope ona ave'eseina atu ma ia teu lenei ato i lou fale ma lau galuega ma ia i ai i totonu mea nei:

• Moli uila ma se leitio ma ni ma'a fa'aleoleo
• Nisi o meafa'apitoa e mana'omia e pei o mea fa'alogo ma ni ma'a fa'aleoleo, matatioata ma mea e fesoasoani i le savali
• Vai inu ma ni mea'ai e faigofie ona feavea'i e pei o mea'ai fa'atupu malosi ma mea'ai ua fa'amamagoina lelei ina ne'i te'i ua tuai ona taunu'u i se nofoaga fa'atulagaina mo i latou o lo'o mafatia i fa'alavelave fa'afuase'i Afai e i ai ni tu'utu'uga fa'apitoa e tusa ma ni mea taumafa o lo'o e i ai, ia mautinoa le tele ma le lava o nei mea'ai
• Fesoasoani fa'afoma'i muamua ma ni vai ma ni fuala'au taua
• Mea e tatau ona i ai mo le fa'aaogaina e tamaiti laiti e pei o apa susu ma mea'ai, napekini ma se meata'alo fa'apitoa
• Sui mo lavalava e pei o (ofu tali matagi/ofu fa'atimu ma se'evae e fetaui ma fafo)
• Mea e fa'aaoga e oe lava – solo ta'ele, fasimoli, mea e fa'aaoga mo le soifua maloloina lelei, ma pepa o fale'ese
• Ie 'afu Palanikeke po'o ni taga e moe ai i totonu feavea'i
• Ufiufi mo foliga mai le pefu
• Mea e fa'aaoga e meaola tausi

Ia tu'uina atu ai i totonu o lau ato nisi o pepa taua e pei o ni fa'ailoga e iloa gofie ai oe (pepa fanau ma pepa fa'aipoipo, tusi ave ta'avale ma tusi o femalaga'iga), pepa o lipoti tau tupe (e.g. tusi mo le inisiua ma pepa o fale fa'atau), ma ni ata o lou aiga.

FESOASOANI MUAMUA

Afai ua manu'a se isi e pele ia te oe i se fa'alavelave, o lou iloa o le faiga o le fesoasoani muamua o le a tele lona aoga. O le tele o ni fa'alapotopotoga o lo'o latou tu'uina mai ni au'aunaga e fa'asino mai ai le faiga o nei fesoasoani muamua. Va'ai pe e te le ono auai atu i se a'oa'oga e te iloa ai le fa'atinoina o nei galuega taua. E mafai fo'i ona e fa'atauina mai ni pusa ua uma ona saunia ma i ai uma mea e te mana'omia i se taimi vave pe fai lava fo'i e oe lau lava pusa e i ai mea o le fesoasoani muamua. 

Kiliki 'i mo nisi fa'amatalaga auili'ili e uiga i pusa mo le fesoasoani muamua.