Ave'eseina o oe fa'atopetope mai lou fale

 

E i ai nisi taimi e mana'omia ai le ave'eseina mai o oe fa'avavevave mai lou fale, ofisa, a'oga po'o lou nofoaga masani i se taimi pu'upu'u lava talu ona logoina atu oe.

 

Ao le i ave'eseina mai o oe fa'atopetope

• Ia e silafia ma manino lelei i ni fa'ailoilo o ni fa'alaelave fa'afuase'ia mo le pitonu'u o lo'o e alala ai ma ala e uia mo le aveesea faatopetope o tagata mai le pulega o le ofisa mo le Puipuiga Lautele i lou itumalo.
• Fuafua ma saunia lelei nisi ala o femalaga'aiga ina ne'i te'i ua ave'eseina mai o oe fa'atoptope. Afai e leai sau ta'avale, fesili i le ofisa o fa'alavelave fa'afuase'i po'o a ni fesoasoani ua fa'ata'atia mo i latou e leai ni a latou lava ta'avale.
• Ia e iloa lelei po'o a leitio e tatau ona e fa'alogologo i ai i taimi o ni fa'alavelave fa'afuase'ia mo ni fa'aaliga mai le ofisa o fa'alavelave fa'afuase'ia i totonu o lou nofoaga masani.
• Fa'amatala ma fa'ata'ita'i le faiga o ni ala aua taimi e ave'eseina mai o oe fa'atoptope ma lou aiga atoa.
• Ia faia ni tonu ma fuafuaga mo taimi e ave'eseina mai ai oe fa'atoptope ma nisi o lou aiga po'o lou aiga lautele i totonu o lou nofoaga masani fa'apea fafo atu o lou nofoaga masani.
• Ia e iloa ala e te ui ai ma va'ava'ai nisi ala e ono uia ina ne'i te'i ua fa'aleagaina auala pe poloka fo'i.
• Ia e iloa le nofoaga o lo'o fa'amautu i ai tagata sulufa'i i taimi o fa'alavelave fa'afuase'ia i totonu o lou nofoaga masani
• Afai e i ai ni au meaola tausi, ia i ai uma i totonu o au fuafuaga mo taimi o fa'alavelave fa'afuase'ia.
• Afai e ono ave'eseina mai o oe fa'atoptope, utu fa'atumu lau ta'avale. Manatua afai e pe le eletise e le mafai e pamu penisini ona utuina ni ta'avale.

 

Afai o lo'o e i se nofoaga o le a ave'eseina mai ai oe fa'atopetope

• Fa'alogologo i lau leitio mo fa'asalalauga fa'apitoa o le a maua atu ai ma ni fautuaga e tatau ma fetaui ma lou nofoaga lautele ma tulaga o lo'o i ai.
• Ia vave ona o 'ese mai pe afai ua fautuaina atu oe e i latou o lo'o gafa ma lenei tiute. Ave lau ato ua uma ona tapena mo lou alu fa'atopetope ese mai. Afai e te le o i totonu o se vaega ua fa'asaina mai, aua ne'i e alu atu i nei vaega e tusa lava pe e te alu e tapena mai lau ato ma ni mea taua.
• Afai e lava se taimi, ia lokaina lou fale e pei lava o le masani ai pe a e tu'ua lou fale pe a e alu ese atu i se taimi umi.
• Tape uma mea tau eletise ma le vai mai le ala eletise ma le vai tutotonu. Aua ne'i tapeina le kesi se'iloga lava ua e sosogi i se kesi po'o ua e fa'alogoina se leo, pe e fautuaina fo'i oe e latou o lo'o pulea ma fa'afoeina galuega lavea'i.
• Ave au meaola tausi pe a e alu pe a mafai ona e faia ma le saogalemu.
• Afai e i ai ni au lafumanu, ave'ese muamua mai lou a'iga ma se aufaigaluega. Afai e lava le taimi, ave au meafafaga i se vaega e te iloa e saogalemu ai.
• I nisi o fa'alavelave e pei o le galulolo po'o afi sasao e sili atu ona e sola ese mai pe a e savali na i lo'o le ave o le ta'avale pe fa'atali fo'i i se ta'avale e momoli ai oe.
• Fa'aaoga ala ma auala ua uma ona tu'uina mai e tagata o le ofisa e pulea taimi o fa'alavelave faafuasei. O nisi auala e ui ina mafai ona uia, ae e le tatau ona uia pe afai ua fa'asaina mai. Aua ne'i e avea se ta'avale a'o tafe malosi se vai. Afai ua e tau atu i ni fa'asino-ala, e tatau ona e uia nei auala.