'Ele'ele Solo

'Ele'ele Solo

 

?'o le i soloia se lau'ele'ele

Afai e te iloa o le a soloia se lau'ele'ele

Pe a uma ona solo se 'ogaele'ele

 

O lau'ele'ele soloia o ni fa'alavelave aupito sili ona mata'utia i le tele o vaega o Niu Sila. O 'ele'ele soloia o le solo ifo lea i lalo o papa, ma'a, ele'ele ma la'au mai se oga'ele'ele mati'e ma maualuga. E ese'ese le tetelele o nei ituaiga o mea e amata mai i se ma'a lapo'a se tasi e pa'u ifo mai se mea maualuga, i se solo tele e sau uma ai so'o se ituaiga mea e pei o ma'a ma ala ma e ono lilofia ai le faitau fia kilomita o le lau'ele'ele..

O le mamafa ma le tele o timuga fa'apea ai ma le lulu o se mafui'e e mafai ai ona solo se oga'ele'ele. O nisi o galuega e faia e tagata e pei o le ave'eseina o la'au ma le vao, so'ona 'eliina o fanua i tafatafa o auala, po'o le papa fo'i o paipa e ono mafua ai se solo i 'ele'ele. O le tele o 'ele'ele solo e tutupu fa'afuase'i e aunoa ma ni lapata'iga ma e taua ai le iloa o fa'ailoilo o le a solo se oga'ele'ele ma fai loa le mea e tatau ona fai.

?'O LE I SOLOIA SE LAU'ELE'ELE

O le sauniuni a e le i solo se oga'ele'ele o le a fesoasoani lea e fa'aitiitia ai le afaina o lou fale ma lau pisinisi ma fesoasoani I le fa'asaoina o lou ola.

  • Fesili i le ofisa o le pulega o lou itumalo pe na i ai ni 'ele'ele solo i le nofoaga o lo'o e nofo ai i aso mavae ae pe toe ono tutupu nei ituaiga o fa'alavelave i se taimi o muamua
  • Siaki mo fa'ailoga e iloa ai pe o fai ma minoi le lauele'ele. 
    Va'ai i le poloka i le itu taumatau mo le lisi o lapata'iga ma fa'ailoilo.
  • Ia mata ala pe a alu i le ta'avale aemaise lava i vaega o lo'o i ai ni mea mati'e ma maupu'epue'a i autafa o le auala. Va'ai le auala i vaega ua soloia, palapala ma ma'a to'ulu.

AFAI E TE ILOA O LE A SOLOIA SE LAU'ELE'ELE

Ia vave le gaioi. Alu ese mai i le mea o lo'o solo mai i ai le ele'ele, o le mea sili lea ona saogalemu mo oe.

  • Alu ese fa'atopetope mai ma ave lau Ato ua uma ona saunia ma oe. Ave au meaola tausi ma tu'u uma au lafumanu i se isi vaega e sefe ma saogalemu pe a mafai ona fai.
  • Warn neighbours who might be affected and help those who may need assistance to evacuate.
  • Fa'afeso'ota'i le ofisa e pulea auaunaga mo fa'alavelave fa'afuase'i i lou itumalo e fa'ailoa i ai le mata'utia o le fa'alavelave ua tupu.

PE A UMA ONA SOLO SE 'OGAELE'ELE

  • Ia manatua e ono tutupu nisi solo i 'ele'ele. Ia tau mamao 'ese ma vaega ua a'afia se'ia uma ona asiasia lelei ma iloa ua saogalemu e le pulega o 'au'aunaga.
  • Ia va'ai ma lipoti uma ni uaea, paipa ma nisi vaega ua fa'aleagaina.
  • Afai ua fa'aleagaina lou fale po'o au mea totino ia tusia uma i lalo ma pu'e ni ata pe a ua saogalemu. Fa'afeso'ota'i lau kamupani inisiua ma fa'afeso'ota'i le pule o le fale totogi o lo'o e aumau ai pe afai ua fa'aleagaina le fale.