Mo le tausiga ma le va'aiga o meaola ma lafumanu

 

Afai e i ai ni au meaola, lafumanu po'o meafafaga, tusi uma i totonu o lau fuafuaga mo fa'alavelave fa'afuase'ia.

  • Fa'apipi'i se fa'ailoga tumau i le kola o au meaola ma tusi manino ai lau telefoni, lou igoa ma lou tuatusi. Fai ni fa'ailoga fa'apitoa mo au meaola tausi.
  • Fa'amautinoa le i ai o sau pusa e mafai ona fe'avea'i ma ia i ai i totonu se solo po'o se ie afu mamafa, meaai mo taimi o fa'alavelave fa'afuase'i, fa'apea se ta'ita'i ma se fa'agutu ma ia avea lea ma vaega o tapenaga mo au meaola. Tusi lou igoa, lau numera telefoni ma lou tuatusi i luga o le pusa.
  • Afai e fa'afuase'ia ona ave'eseina mai oe mai lou fale, ave au meaola pe afai e mafai ma saogalemu ona aveina. Ave uma fa'amaumauga o a latou tui ma ni vai o fa'aaoga aua o le a fa'afigofie ai fo'i ma fesoasoani i le tu'uina atu o au meaola i se isi nofoaga pe a mana'omia.
  • O nofoaga tutotonu e sulufa'i atu i ai tagata i taimi o fa'alavelave fa'afuase'i o le a latou le taliaina ni meaola tausi se'i vagana ai meaola o lo'o latou fa'atinoina ni au'aunaga e pei o ta'ifau leoleo ma fa'asino ala. O nisi o pitonu'u ua latou fa'avaeina ni nofoaga mo meaola tausi.
  • Fai ni fuafuaga ma ni tonu ma uo ma aiga i nisi vaega e ese mai i le mea o lo'o e nofo ai e fuafua i taimi e vave-o-ese mai ai i fale ona o ni fa'alavelave fa'afuase'i.
  • Tusi ma fa'amaumau lisi o nofoaga ma fale talimalo tetele ma laiti ma o latou telefoni ma tuatusi e “talia meaola tausi” aua taimi e ave'esea vave ai mai i fale ona o ni fa'alavelave fa'afuase'i.
  • Afai e i ai ni au lafumanu (e pei o solofanua, pua'a po'o moa ma isi meafafaga faapena) po'o se lafu manu, ia iloa po'o le fea vaega o lou fanua e saogalemu ona tu'u atu i ai au meaola mai se lolovai, ele'ele solo ma laina o moli. I le taimi o le a vave o ese ai, ia mautinoa ua i ai sau tonu ma se fuafuaga ua ta'atia ina ia iloa ai o lo'o saogalemu au meaola, ma ia i ai ni a latou mea'ai, vai ma se fale e nonofo ai. O le saogalemu o meaola o le tiute tau'ave lea a le e ona ia meaola ma lafumanu.
  • Siaki i le pulega o le pitonuu o e nofo ai e uiga i fuafuaga ma tulaga fa'ata'atia mo fesoasoani mo meaola tausi atoa ma lafumanu.