Teuina malu o le suavai

 

O le suavai i totonu o fale e aofia ai ma vaiinu e ono a'afia i ni fa'alavelave fa'afuase'i, o le ala lea e taua tele ai le fa'asaoina ma le teuina malu o vai. E mana'omia lou teuina o ni vaiinu ia ta'i tolu lita a le tagata e to'atasi i aso ta'itasi. O le a e mana'omia fo'i ni vai mo mea'ai ma le fa'amamaina o ipu. 

E mafai ona e fa'ataua vai ua uma ona utuina i fagu pe saunia lava fo'i e oe ia au vai i totonu o ni fagu. Fa'atau mai fagu tu'u vai ua uma ona pasia e i latou e fa'atulagaina mea'ai ma mea tu'u mea'ai mai faleoloa o lo'o fa'atau ai mea mo le nonofo i fafo ma fagu toe fa'aaogaina po'o fale o lo'o gaosia ai faguinu i totonu o fagu uga. Aua ne'i fa'aaogaina fagu e aumai ai susu ona e le mafai ona fufulu ese uma toega o susu, ma e ono ola ai fo'i ni siama.

 

Fa'atonuga mo le teuina lelei o vai

• Fufulu mama fagu i vai vevela.
• Fa'atutumu fagu uma i vai paipa se'ia tumu.
• Ia tu'u i ai ni fa'atulutulu se lima o se vaila'au fale mo se lita e tasi o le vai (po'o se afa o se sipuniti mo le 10 lita) ma tu'u i se nofoaga malu. Aua ne'i inuina mo se 30 minute pe a uma ona ave i ai le vaila'au fale.
• Aua ne i fa'aaogaina vaila'au o lo'o i ai ni vaila'au manogi po'o fa'amanogi, ma nisi mea fa'aopo'opo – ona e ono mama'i ai tagata.
• Ia tusi ma fa'apipi'i uma i tino o fagu aso na fa'atumu ai ma aso e toe mana'omia ai le fa'atumuina pe toe sui ai le vai.
• Ia ta'i 12 masina ma siaki fagu vai nei. Afai ua le toe kilia pe mama lelei pe ua nenefu fo'i le vai, ia sasa'a loa ma toe fa'atutumu fagu i ni vai mama ma ia toe ave i ai se isi vaila'au fale.
• Ia tu'u ma teu fagu i se mea e aua ne'i sulugia i le la. Ia teu ese mai i se vaega e le ono lolovaia.

 

E mafai fo'i ona e fa'atumuina konitaina o lo'o avatu ai aisikulimi ma teu i totonu o le fulisa, tapuni lelei ma tusi aso na fa'atutumu ai. E aoga lea mo le fa'amaluluina o mea'ai pe a pe le eletise i nisi taimi ma e aoga fo'i mo vaiinu.

O lau kalone vaivela ma le tane vai o le fale 'ese o ni mea taua tele e maua ai le suavai. Siaki ma fa'amautinoa le saogalemu o nei tane ma malu puipuia. Aua ne i tu'uina ni vaila'au i totonu o nei tane vai pe afai o e fuafua e fa'aaoga le suavai. Afai o le a e fa'aaogaina vai fa'atali i le timu, ia mautinoa ua uma ona e tu'uina i ai i totonu se vaila'au fale ae le i fa'aaogaina. Afai e te le o mautinoa ma malamalama i le saogalemu o le vai, fa'ata'ita'iga, vai mai se vai 'eli ua lolovaia, pe ua afatia i se asu po'o ni lefulefu mai se mu, aua ne i inuina.