Saunia lau pisinisi

 

I lalo o le Tulafono o le Soifua Maloloina ma le Saogalemu o Galuega, e fa'atulafonoina le i ai o se fuafuaga fa'ata'atia mo taimi o ni fa'alavelave fa'afuase'i. Ia faia ma fa'atulagaina se Fuafuaga Fa'ata'atia mo lau Pisinisi mo taimi o Fa'alavelave Fa'afuase'i.

Ia saunia lau aufaigaluega. Fa'amalosia lau aufaigaluega ina ia teu i le galuega ni mea laiti latou te ono mana'omia, e pei o se'evae mo fafo, ofu talitimu, moli uila, mea'ai mama ma ni vai inu.

Ia e galue ma fa'atasi atu i fonotagta ma fa'atasiga ma isi galuega ma isi pisinisi e talanoaina ai mea e fai i taimi o ni fa'alavelave fa'afuase'i. O lau tonu ma lau fuafuaga fa'ata'atia e tatau ona i ai vaega nei:

• Puipuia o au aseta po’o meatotino o lau pisinisi: le aufaigaluega, mea faigaluega, fale faigaluega, ala o feso’ota’iga fa’aualesi ma fa’akomipiuta, le igoa lelei o lau pisinisi, maketi o fefa’ataua’iga, atoa ma lipoti o mea tau tupe, ma isi.
• Puipuia o au'aunaga i le va i fafo atu o lau pisinisi, aemaise pe a lagolagosua i le vaega mo le Puipuiga Lautele i le pulea ma le faafoeina o fesoasoani i taimi o fa'alavelave fa'afuase'i ma le faiga o a latou galuega, e pei o au'aunaga i taimi o fa'alavelave fa'afuase'i ma fesoasoani fa'afalema'i.
• Fuafuaina ma le fa'atulagaina o le tulaga mana'omia o lau au'aunaga ae le i tupu se fa'alavelave fa'afuase'i.
• Fuafua ma fa'atalanoa le faiga o nei fuafuaga ma i latou o lo'o e fa'amoemoeina ina ia latou nonofo malamalama lelei ai i o latou tiute ma galuega e fai.