Te tiaki i ngā mōkai me ngā kararehe o te pāmu

 

Mēnā he mōkai, he kararehe pāmu rānei āu, tuhia ngā whakaritenga ki to māhere whai oranga.

• Whakapiria tētahi kōpae pūmau ki te kara o to mōkai e kite māramatia ai to nama waea, to ingoa me to wāhi noho hoki. Whakaritea kia mau mōtete takawai o mōkai.
• Whakaritea kia whai wāhi tētahi pouaka kawe, tētahi taora, tētahi paraikete rānei, he kai ohotata, tētahi here me te pōnīnī ki te pēke kawe ohotata mā to mōkai. Tuhia tō ingoa, nama waea, wāhi noho hoki ki runga i te pouaka.
• Mēnā me puta i tō whare, haria ngā mōkai mēnā ka taea tērā i runga i te haumaru. Haria ngā rēkoata kano ārai mate me ngā rongoā waiwai i te mea ka āwhina ēnei ki te whakanoho i o mōkai ki wāhi kē ki te hiahiatia.
• Ko te tikanga, hāunga ngā karere whakarato pēnei i te kurī ārahi, kāore ngā pokapū toko i te ora, whakatahi rānei e whakaae ki ngā mōkai. Kua whakatūria e ētahi hapori he kōwhiringa whakamaru mā ngā mōkai.
• Whakaritehia he whakaritenga kei whakatahi koe i te whare ki te taha o o hoa, ki to whānau e noho ana ki wāhi kē hoki.
• Tuhia tētahi rārangi o ngā mōtera ka whakaae ki ngā mōkai me ngā taipitopito whakapā, mō te tūponotanga me whakatahi i to whare, i te takiwā noho rānei.
• Mehemea he mōkai āu (pērā i te hōiho, te poaka, te heihei rānei), he kararehe pāmu rānei, me mātua mōhio koe ko ēhea ngā whīra pai kia kore ai ngā kararehe e raru i te waipuke, i te pāhekeheke whenua, i te waea hiko rānei. Ki te whakarērea e koe to whare, whakaritea kua takoto kē to mahere kia haumaru ai, kia whai kai ai, kia whai wai ai, kia whai whakaruruhau ai hoki aua kararehe. Mā te tangata nāna ngā kararehe te haepapa tiaki i te oranga.
• Whakapā atu ki tō kaunihera mō ngā whakaritenga tiaki i ngā kararehe o te kāinga.