Whakaritea tō Pakihi

 

E ai ki te Ture mō ngā Take Hauora me te Haumaru i roto i te Wāhi Mahi me noho takatū ngā pakihi mō tētahi ohotata. Whakaritea tētahi Mahere Ohotata i te Wāhi Mahi mō to pakihi.

Whakarite kia takatū o kaimahi. Whakatenatenatia ngā kaimahi kia pupuri i te wāhi mahi ngā mea waiwai ka hiahia rātou pea, tae atu ki ngā hū mārōrō hīkoi, he tiakete tāpōrena, he rama, he kai paramanawa, me te wai hoki.

Kimihia te huarahi kia whai wāhi to pakihi ki ngā mahere haere tonu, mahere ohotata hoki i te rāngai ahumahi. Kia kapi ēnei āhuatanga i o mahere:

• Me pēhea te whakamarumaru i ngā taonga o to pakihi: te hunga mahi, ngā taputapu, ngā rawa, ngā pūnaha hangarau whakamōhiohio, to ingoa pai, tō pānga mākete, to whai moni, tō aha, tō aha.
• Me pēhea te tiaki i ngā ratonga ā-waho, ina koa ko ērā e tautoko i ngā mahi waiwai whakahaere i te wā ohotata, pēnei i ngā ratonga ohotata me ngā whare hauora.
• Te whakarite, me te whakaraupapa i ngā tono mō ō ratonga i mua i te tūponotanga o te ohotata.
• Te mahi tahi ki te whakamahere me ērā e whirinaki ai koe, kia mārama ai ngā haepapa me ngā mahi a tēnā me tēnā.