Te Mahere Ohotata Mō Te Kāinga

 

Te kōrero ki ngā tamariki mō ngā parekura

Te Rīanga

 

Me whakamahere ki te tiaki i a koe anō me tō whānau mō ngā rā e toru, roa ake rānei.

Ka whakaawe te nuinga o ngā parekura i ngā ratonga waiwai, me te tauwhati i tō āhei haere ki wāhi kē me tō āhei ki te whakawhitiwhiti kōrero tētahi ki tētahi. Ka whakatikina pea koe ki te kāinga, ka uruhina rānei ki whakatahi i tō kāinga. Whai muri tata tonu i te parekura, e kore te hunga whakaora e āhei ki te tere āwhina i ngā tāngata katoa.

Koianei te wā pea ka noho tino whakaraerae rawa koe. Nō reira, e hira ana kia atawhai i a koe anō me tō whānau mō ngā rā e toru, roa ake rānei.

Whakarauikatia te whānau ki te whakarautaki i te mahere parekura. Mā te whakarite mahere ohotata whaitake e tau ai ngā āwangawanga mō te parekura, ka ārahi hoki i a koe ā te pānga mai o te parekura. Ka taea te tiki i tētahi mahere ohotata mō te kāinga me tētahi rārangi arowhai mai i tō kaunihera, te tiki ake rānei i tō tātauira māhere Ohotata (PDF, 959Kb) mai i te ipurangi ka taea te tā.

 

Mā te mahere ohotata mo te kāinga e āhei ai koe ki te:

• Whakamārama ki tērā ki tērā he aha tana mahi i roto i te parekura pērā i te rū o te whenua, i te tai āniwhaniwha, i te hūnga o te puia, i te waipuke, te āwhā.
• Mōhio ki hea, mā hea hoki e tūtaki ai koutou whai muri i te parekura.
• Rokirokia ngā rauemi whai oranga ohotata, ā, mā wai aua mea e tiaki.
• Whakarite i ngā mea e kuhuna ai ki ngā pēke kawe, ki hea waiho ai i aua pēke hoki.
• Whakarite i ngā mea e tika ana mō te hunga hauā, o te whānau, o te hapori rānei.
• Tiaki i ngā mōkai me ngā kararehe o te pāmu.
• Kati i te wai, ki te whakaweto i te hiko me te hinu ō te kāinga me te pakihi.
  Mēnā e māturuturu ana, kua tohua rānei e ngā mātanga, whakawetohia te kapuni. Mēnā ka whakawetohia e koe te kapuni, me waiho mā te mātanga e whakahaere anō, nā te āhuatanga o te parekura, kāore pea rātou e wātea ki te whakatika i tō kapuni mō te wā roa.
• Mōhio ko ēhea ngā reo irirangi e tika ana ki te kimi tohutohu mai i Te Rākau Whakamarumaru.
• Whakapā atu ki Te Rākau Whakamarumaru, ki te kaunihera rānei kimi āwhina ai i te wā o te ohotata. 
  Ka raru ana te tangata, te kainga rānei, kia mataara; pēhia te 111.

Uia ngā kaimahi whakahaere mate whawhati tata i te kaunihera mō te pūnaha whakatūpato i tō hapori ki te mate whawhati tata, me te tūnga o ngā whakaruruhau mate whawhati tata, whakaruruhau tūmatanui hoki. Ka pai hoki te ako i te āwhina tūroro, i te tīnei i ngā ahi pakupaku hoki.

TE KŌRERO KI NGĀ TAMARIKI MŌ NGĀ PAREKURA

Me whakaaro pea kia kōrero ngā mātua me ngā kaitiaki ki ngā tamariki mo te āhuatanga o te parekura, me pēhea hoki te mahi ki te tiaki i a rātou anō. Mā reira e whakaiti iho ai te pōnānā o te tamariki, e āwhina hoki kia mōhio te whānau katoa me pēhea te urupare.

TE RĪANGA

Whakarite kua rawaka tō rīanga, kua utua hoki; me waiho ngā pepa hirahira ki te wahi e māmā ai te tiki atu mēnā me puta wawe i te whare.