Te Whenua Pāhekeheke

 

I mua mai i te whenua pāhekeheke

Ki tō whakaaro kua tata te whenua pāhekeheke te puta

Whai muri i te whenua pāhekeheke

 

He pūmate arowhenua taumaha te whenua pāhekeheke huri noa i Aotearoa. He kōhatu, he oneone, he rākau e hekeheke whakararo ana i tētahi tahataha te whenua pāhekeheke. I ētahi wā he toka kotahi e taka iho ana, i ētahi wā he horonga oneone, he horonga kōhatu rānei e toro ana i ngā kiromita maha.

Mā te marangai taumaha me te rū whenua e pāhekeheke ai te whenua. Mā te mahi a te tangata hoki, pērā i te tapahi rākau, i te tapatapahi pātītī i ngā paripari, i te whakapaipai paipa e māturuturu ana ka puta mai te horo whenua. I te nuinga o ngā wā he āhuatanga ohorere; nā reira me mōhio ki ngā tohu whakatūpato kia tere ai ō mahi urupare.

I MUA MAI I TE WHENUA PĀHEKEHEKE

Mā te āta whakariterite i a koe anō i mua i te whenua pāhekeheke kia iti iho ai te āhuatanga kino e pā ana ki tō kāinga, ki tō pakihi hoki.

• Pātai atu ki tō kaunihera mēnā kua puta mai te whenua pāhekeheke i tō rohe, mēnā ka tūpono mai anō pea.
• Āta tirohia te papa ki te kimi tohu e nekeneke haere ana te whenua. 
  Tirohia te rārangi kaupapa kei te taha mātau kia kite i ngā tohu whakatūpato.
• I a koe e taraiwa ana, kia āta mataara ki ngā tahataha o te rori. Tirohia ngā rori mō ngā ara hīkoi kua ngahoro, te paru me ngā kōhatu kua taka iho.

KI TŌ WHAKAARO KUA TATA TE WHENUA PĀHEKEHEKE TE PUTA

Kia horo. Mā te karo i te whenua pāhekeheke koe e ora ai.

• Whakatahi atu i tō whare, haria tō Pēke Kawe i tō taha. Haria ō mōkai, haria ngā kararehe pāmu ki ngā pātiki haumaru ki te taea.
• Whakatūpatoria ō kiritata, āwhinatia rātou e awea ana, e hiahia ana pea ki tō āwhina ki te whakahōnea.
• Whakapā ki ngā ratonga ohotata me te kaunihera o tō takiwā ki te whakamōhio atu i a rātou ki te pūmate.

WHAI MURI I TE WHENUA PĀHEKEHEKE

• Kia maumahara koe, ka rua, ka toru pea ngā whenua pāhekeheke e whai ake ana. Kaua e hoki ki aua wāhi kei reira te whenua pāhekeheke kia ārohia tikahia rā anō e ngā mana, kia whiwhi rā anō koe i te kōrero whakawātea.
• Rapua ngā aho hiko me ngā pū wai, kapuni hoki kua pakaru me te whakamōhio atu i ēnei ki ngā mana.
• Mēnā kua tukitukia tō whenua, ō rawa rānei, tuhia ngā kōrero, whakaahuatia hoki ina haumaru kia pēnā. Whakapā atu ki tō kamupene rīanga, ā, mēnā he tangata rīhi whare koe, whakamōhiotia atu ngā tukitukinga ki te tangata nōnā te whare.