Te rokiroki i te wai

 

Ka whakakinotia pea te wai o te kāinga, te wai inu hoki o te kāinga, mēnā ka pā mai tetahi parekura, nō reira, me rokiroki i te wai ka tika. Kia toru rita ki te tangata kotahi i ia rā, i ia rā. Kia maumahara me whai wai hei horoi, hei tunu kai. 

Hokona te wai, whakaritea rānei āu ake ipu wai. Hokona he ipu e tika ana mo te rokiroki wai, mai i ngā toa taupua, taputapu mārō rānei, hangaruatia rānei he pātara waireka kirihou. Kaua e whakamahia ngā ipu miraka, i te mea kāore te pūmua e memeha noa mā te horoi, ā, he kitakita ka waiho mai pea i roto i te pātara.

 

Ngā tohutohu kia tika te rokiroki i te wai

• Āta horoia ngā pātara ki te wai wera
• Whakakīa ia pātara ki te wai i te kōrere kia engaenga ai.
• Tāpiritia kia rima ngā māturuturu o te whakatoki mo ia kotahi rita wai (kia haurua tīpune rānei mō te pātara tekau rita), ā, raua ki te wāhi rokiroki. Kaua e inumia kia pau rā anō te 30 meneti whai muri i tēnei mahi patu kitakita.
• Kaua e whakamahi whakatoki whai kakara tāpiri, rautangi rānei, matū hopi teretere, ētahi atu tāpiritanga rānei – ka mate pea te tangata i ēnei.
• Tapaina ia pātara, ia pātara ki te rā i whakakīa ai, me te rā tika kia whakakīa anō.
• Tirohia ngā pātara i ia 12 marama, i ia 12 marama. Ki te kore e mā te wai, taringihia me te whakakī anō i ngā pātara mā ki te wai mā me te whakatoki.
• Rokirokihia te wai ki rō wāhi pōuri, ā, kia kaua e tukuna kia whitihia e te rā. Puritia ki ngā wāhi motuhake e rua – he wāhi e kore pea e waipuketia.

 

Ka taea hoki e koe te whakakī i ngā ipu aihikirīmi ki te wai, taupokitia, tapaina ki te tapanga, ka mea atu ki te pātaka keo. Mā tēnei e whakamātao haere ngā kai mēnā kua kore he hiko, ka whakamahia hoki hei wai inu.

He tino mātāpuna wai te rango wai, wera me te kura wai mō te hamuti. Āta tirohia kua mau pai te rango wai wera me te kura wai kei rō tuanui. Mēnā kei te hiahia koe ki te whakamahi i te wai, kaua rawa e rau atu i ngā matū horoi ki roto i te kura wai mō te hamuti. Mēnā e whakamahi ana koe i te ua hei wai mōu, kaua e wareware ki te patu kitakita mā te whakatoki. Ki te kore koe e tino mōhio ki te pai, paru rānei o te wai, (hei tauira, kua tangohia i te poka kua waipuketia, kua tāhawahawatia rānei e te auahi, te pungarehu puia rānei), kaua e inumia.