Naunau ki he Fuofua Tokoni΄
Ka ‘oku ‘i ai ha taha ‘oku΄ ke tauhi ka kuo lavea ‘i ha fakatamaki, ‘e hoko ‘a ho‘o ‘ilo ki he Fuofua Tokoni΄ ko ha faikehekehe ia ki he‘ene mo‘ui΄ pe ko ‘ene mate΄. ‘Oku fakalele ‘e he ngaahi kautaha kehekehe ‘a e ako ki he Fuofua Tokoni΄, ‘o muimui atu ki ai mo e ngaahi ako ke kei fakamanatu ‘a e ‘ilo ki heni΄. ‘Oku ma‘u atu ‘a e lisi ‘o e ngaahi kautaha ‘oku nau fakalele ‘a e ngaahi ako΄ mo ma‘u atu mei ai ha ngaahi naunau ki he fuofua tokoni΄.
Lomi‘i heni
Naunau ki he Fuofua Tokoni΄
‘E lava pē ke ke fakatau atu ha ngaahi puha Naunau ki he Fuofua Tokoni΄ ‘a ia kuo ‘osi fakakakato pē ia. Kapau ‘oku΄ ke teuteu‘i pē ‘e koe ha‘amou puha naunau ki he fuofua tokoni΄, ko e ngaahi me‘a ‘eni ‘oku fokotu‘u mai ‘e he kautaha St. John ko e ngaahi tefito‘i me‘a ia ‘e fiema‘u ‘e he fāmili΄.
- Tupenu ha‘iha‘i lavea tapatolu (2)
- Takainga palasitā takai lavea – milimita ‘e 50 (takainga ‘e 1) milimita ‘e 75 (takainga ‘e 1)
- Me‘a ha‘i lavea malu mei΄ he siemu΄ – 7.5 x 7.5 (2)
- Palasitā ha‘i lavea – senitimita ‘e 6 fālahi x mita ‘e 1 lōloa (takainga ‘e 1)
- Ngaahi fo‘i palasitā kongokonga ‘oku ‘osi ‘i ai ‘a e faito‘o (pēketi ‘e 1)
- Tepi fakapipiki ‘e ‘ikai fakamohomoho ai ‘a e kili΄ – milimita ‘e 25 (takainga ‘e 1)
- Vavae fakamolū ha‘i lavea iiki ‘oku hao mei΄ he siemu΄ – iiki (2) mo e lalahi (3)
- Vavae fakamolū ki he ha‘iha‘i ‘o e mata΄ ‘oku hao mei΄ he siemu΄
- Koniteina ki he fufulu ‘o e mata΄
- Huhu‘a ki he fufulu ‘o e mata΄ – Saline Steritube mililita ‘e 30 (1)
- Huhu‘a faito‘o ki he ta‘ofi ‘o e pala΄ – Chlorhexidine Steritube mililita ‘e 30 (4)
- Pine napikeni (fuhinga pepa ‘e 1)
- Helekosi (1)
- Me‘a ke to‘o‘aki ‘a e tolounua΄ (1)
- Kofunima ‘oku li‘aki ‘i he ‘osi ‘a ‘ete ngāue‘aki΄ (hoa ‘e 2)
- Tohi lēkooti lavea mo e penivahevahe
- Tohi Fakahinohino ki he Fuofua Tokoni΄
- Kaati ‘oku hā ai ‘a e ngaahi fika telefoni fiema‘u fakavavevave΄